Utenat - Livret
Tshekuan uet ne tutakauian Eukuan essishuet Ne nuitsheuakan
Tshekuan uet ne ishinakushian
Eukuan etenitak Ne nuitsheuakan
Tshekuan ma nipa tutuau Tanite ma nipa ishi-uitshiau Tshetshi aiamitukan (aiamitutuakanit)
Tshetshi aiamitutuakanit
Nitepuatauat tshimushuminuat
Nitepuatauat kie tshukuminuat
Tshetshi minuinniuin Tshetshi minupanin
Tshekuan uet ne tutakauian
Eukuan ne kie nin Ne nititeniteti
Tshekuan uet ne ishinakushian
Mitshetuau kie nin Ne nititeniteti
Tshekuan ma nipa tutuau
Tanite ma nipa ishi-uitshiau
Tshetshi ne uauitshiakanit
Tshetshi aiamitutuakanit
Nitepuatauat tshimushuminuat
Nitepuatauat kie tshukuminuat
Tshetshi minuinniuin Tshetshi minuinniuin
CHANT BLACK BEAR
Nitepuatauat tshimushuminuat
Nitepuataut kie tshukuminuat
Tshetshi minuinniuin Tshetshi minupanin Nitepuatauat tshimushuminuat
Nitepuatauat kie tshukuminuat
Tshetshi minuinniuiaku Tshetshi minupaniaku Tshetshi minuinniuiaku Tshetshi minupaniaku
Tshekuan, tshekuan ute e tutaman Tshekuan e nanatuapataman Mitshetinanu
Nasht, apu tshissenitaman tshekuan ute e tutaman Ute utenat Takuan, tshekuan e minuataman
Eukuan, tshe ui mamitunenitaman
tshetshi tshiueian
Shash, nitapin anite utapanit
Eukuan tshe nakataman
Anite ka taian
Tshitshue, niminueniten anite niteit
Kau tshe tshiueian Nete uetshian
Takuan, tshekuan etenitaman
Eukuan, tshe mamitunenitaman
Tshekuan tshe tutaman
Nipa minueniten tshetshi kushpian
Ishkuteutapan tshetshi pushian muku tshiam tshetshi eka uni-tshissian
Nete uetshian
Shash, innu-assit ute nititan
Ute Mani-utenam Ute ka nitautshian
Hey, miam tshe kushpian etenitakushian
Minuat tshe shatshuapataman Neme nitassinan
Takuan, tshekuan e minuataman
Eukuan, tshe mamitunenitaman
Tshekuan tshe tutaman
Nipa minueniten tshetshi kushpian
Ishkuteutapan tshetshi pushian muku tshiam tshetshi eka uni-tshissian
Nete uetshian
Nipakuaten tshetshi kushpian
Ishkuteutapan tshetshi pushian muku tshiam tshetshi eka uni-tshissian
Nete uetshian
Mamitunenita ueshkat anite innu
Nenu utinniunnuau Pimutepan, natauipan tshetshi inniut
Animanipan
Mamitunenita ueshkat anite innu
Tekuatshinniti kueshpitaui Tshe pimuteht tshetshi uitshiht
Eshku eka tipishkaniti
Shutshiteiepan tapue innu
Tshetshi utitak nenu utassi
Tan ua ishinakuannit innu umeshkanam
Apu nita tshikut patshitenimut
Tshitapatetau anutshish kashikat
Eshinakuat tshitiniunnu Pimutetau, minutatau tshe ituteiaku
Nikanitetau
Nashetau ne tshipuamunnu
Uapataniatauat tshussiminuat
Innu-aimun kie innu-aitun
Tshe eka unitaht
shutshikapauipan tapue innu
Tshetshi kanuenitak nenu utaimun
Tan ua ishinakuannit innu umeshkanam
Apu nita tshikut patshitenimut Tan ua ishinakuannit innu utinniun Apu nita tshikut patshitenimut
Tan ua ishinakuannit innu umeshkanam
Apu nita tshikut patshitenimut Tan ua ishinakuannit innu utinniun Apu nita tshikut patshitenimut
Ueshama
Kassinu tshekuan tshuapaten
Kassinu tshekuan tshipeten
Kassinu tshekuan tshiminaten
Kassinu tshekuan tshitshisseniten
Ueshama
Ne tshimushum Kie ne tshukum Anitshenat tshikanishat Eka nita tshika manenimauat
Ueshama
Uitamui tshekuannu ma uishimat nutauia
Tshekuannu ma utinat nikauia Tshekuan ma nimish kakusseshiut Uesha uesha ueshama
Ueshama (2x)
Mamitunenitamu, eshinakuannit utinniun Itenitamu : Tshima minuashit tshe ituteian
Uitamui tshekuan, iakuikauin Uitamui tshekuan, tshe uitshikuin (miam)
Minuenniu, katshi aimiat uitsheuakan
Minuenimu, katshi uitak etamatshiut
Shutshishiunnu mineku
Shutshenitamunnu uapatanieku
Tshin tshituten, tshetshi minuinniuin
Uashtena tshimeshkenam, Tshe nikanitein Uitamut tshikanishat Kie uitamut tshuitsheuanat
Tshe minuinniuin, ussi-inniuin
Minuinniu, eshinakuannit utinniun
Minuenimu, katshi uitak etamatshiut
Shutshishiunnu mineku Shutshenitamunnu uapataniekuTshin tshituten,
tshetshi minuinniuin Uashtena tshimeshkenam, Tshe nikanitein Tshin tshituten, tshetshi minuinniuin Uashtena tshitinniun, Tshe nikanitein
Takuan tshetshi apishikushin, Tshitinniun Punita tshekuan pakunikuin, tshetshi eka patshishinin
Nasht nipatshitenimikun ne e tutakuin Tshika ui pishikun tshika ui nanipaun neme akushini
Kamatshikaut e tepuatikuin upime anite ita eka nanatutu e aimikuini
Eka ui tutu tshetshi uitsheuin Miam kamatshishit nin etenitakushian
Nikan ui uapatamini, tshitapata uetutein
Eku pishiku, eku nanipau, e animauini
Eka patshitenimui, eshinakushin Tshika ui pishikun, tshika ui nanipaun, neme akushini
Matshi-Manitu e uishamikuin Upime anite ita eka nanatutu e aimikuini
Eka ui tuta tshetshi uitsheuin Miam kamatshishit nin etenitakushian
Kamatshikaut e tepuatikuin Upime anite ita eka nanatutu e aimikuini
Eka ui tuta tshetshi uitsheuin Miam kamatshishit nin etenitakushian
Matshi-Manitu e uishamikuin Upime anite ita eka nanatutu e aimikuini
Eka ui tuta tshetshi mushtenuin Miam kamatshishit nin etenitakushian
Tshe tshissenitenanu, tshekuan tshe ui tutamaku
Tshetshi minuenniuiaku, mamu e taiakui
Minuashu ne tshitinniunnu
Tshe tshissenitenanu, tanite tshe ituteiaku
Tshetshi minuatutuiaku, tshe ishpish inniuiaku
Minutatau tshitinniunnu
Minuashu tshitinniunnu
Eukuan menuataman e tshitapamitan
Eukuan menuataman ashit tshin e taian
Tshe tshissenitenanu, tshekuan tshe ui tutamaku
Mamu tshe tshishenniuiaku, nantam tshe minuatutuiaku
Minutatau tshitinniunnu
Minuashu tshitinniunnu
Eukuan menuataman e tshitapamitan
Eukuan menuataman ashit tshin e taian
Eukuan menuataman e tshitapamitan
Eukuan menuataman ashit tshin e taian
Eukuan menuataman e tshitapamitan
Eukuan menuataman ashit tshin e taian
Tau anite innu, apu ute tipatshimu
Uauitamu utinniun, nete uetutet
Tshima tshi shauiian ueshkat ka itenitakuat
Minuenitakuanipan, e mamuitunanut
Ishpitenitakuannu nenu utinniun
Anumat minutakuannu utipatshimun
Tshuapatamuan e tshitapamit,
Tshuapatamuan umeshkanam
Nenu utinniun ka ishinakuannit
Minutaku uitsheuakana, kie uikanisha
Eshku anite mamu, tshika mamuitunanu
Ishpitenitakuannu nenu utinniun
Anumat minutakuannu utipatshimun
Ishpitenitakuannu nenu umeshkanam
Tshitshue minutakuannu utipatshimun
Tipatshimui nuitsheuakan, uauita ka aitin
Uauita ka inniuin, tshekuan tshituteti
Nika mueshtatenan, eka uapamitat
Tshitipatshimun, nanitam tshika petakuan
Ishpitenitakuannu nenu utinniun
Anumat minutakuannu utipatshimun
Ishpitenitakuannu nenu umeshkanam
Tshitshue minutakuannu utipatshimun
Takuanupan tshekuan etenitaman
Ueshkat e uapamitan Shaputue tshimati e nakatikauin
Apu tshi tshituteian
Tshin nitauassim tshishuenimitin
Nanikutini tshika animitishun Iat peikuan tshishuenimitin
Mamitunenita tshekuan tshe tutamin
Tshetshi eka unishinin
Nishutsheniten tshetshi minupanin
Tshetshi minuashit tshitinniun
Tshin nitauassim tshishuenimitin
Nanikutini tshika animitishun
Tau tshutaui, tau tshikaui Tauat tshikanishat, kie tshuitsheuakanat
Mamu tshititananu
Kashtipishkau nanikutini inniuin Muku eka patshitenimui Tshika minuashteshu eka tshekuan itenita
Tuta tshimeshkanam
Tshin nitauassim tshishuenimitin
Nanikutini tshika animitishun
Tau tshutaui, tau tshikaui Tauat tshikanishat, kie tshuitsheuakanat
Tau tshutaui, tau tshikaui Tauat tshikanishat, kie tshuitsheuakanat
Mamu tshititananu
Ishkuteutapan tepueu nete kataku
Eukuannu tshe nashipeiat Mitshetu innu, Puatshishemunnuat mak utshimiunnuat Uauitakanu tshetshi minuatakanit nete uinipekut
Nipakuatenan tshetshi uapamitat Minuat peikuau tshe mamuituiaku Tshe takushinnieku, innu ui nimu, ui nikamu
Uauitakanu tshetshi minuatakanit nete uinipekut
Eku ma kassinu mamu nimitau minuatetau Eku ma kassinu innu Nikamutau minuatetau Uauitakanu tshetshi minuatakanit nete tshitassiuat
Shash minuat ute nititanan Nitepuatikaunan, nitauapekaitshenan Akua tshe tutameku, akua eka taiekui mamuitunanut
Uauitakanu tshetshi minuatakanit nete tshitassiuat
Makupita tshitakunishkueun Tshika tshishiteu tshe tipishkat Knob Lake innuat, Mamit innuat takushinuat
Uauitakanu tshetshi minuatakanit nete tshitassiuat
Eku ma kassinu mamu nimitau minuatetau Eku ma kassinu innu Nikamutau minuatetau Uauitakanu tshetshi minuatakanit nete tshitassiuat
Eku ma kassinu mamu nimitau minuatetau
Eku ma kassinu innu
Nikamutau minuatetau
Eku ma kassinu mamu Nimitau minuatetau Eku ma kassinu innu Nikamutau minuatetau Uauitakanu tshetshi minuatakanit nete tshitassiuat (3x)
